Lirik Lagu Minang Rumah Tampak Jalan Tak Tau
Panek mananti dirantiang rindu
Babuah balun putiak marupo
Dari musim ka musim denai manunggu
Harok jo uda basandiang duo
Rantiang patah diujuang sanjo
Putiak jatuah kadalam rimbo
Dak denai sangko dari samulo
Kironyo uda mambagi cinto
Hantah dek apo sirigo rigo
Pipik sinanduang mamakan padi
Hantah dek apo kiro kiro
Uda lupokan janji - janji
Dulu uda bajanji, manjapuik denai karanah minang
Uda bao denai pai, uda gungguang tabang
Tapi kini nan tasuo, bajadi uda jo urang
Lah lupo uda jo janji, denai manunggu dirumah gadang
[Reff...]
Rumah tampak, jalan tak tau
Batambah jauah jalan pulang
Lah lamo denai manahan rindu
Maliek uda ditangan urang
Rumah tampak, jalan tak tau
Tatutuik pintu rumah gadang
Sampai hati uda cando itu
Manyakiti denai indak manenggang
Luko hati denai bao mati
Dak denai rilakan uda jo urang
Sampai hati uda malukoi
Hati denai nan sadang kambang
Rumah tampak, jalan tak tau
Tatutuik pintu rumah gadang
Sampai hati uda cando itu
Manyakiti denai indak manenggang
Nyampang kok uda manyasali
Maingek denai jo kasiah sayang
Maaf denai ka uda kini
Japuiklah denai karumah gadang
