Hujan turun di pagi nangko 
Tasintak badan dingin rasonyo 
Uda antah dimano
Samanjak uda pai marantau sampai kiniko tiado barito

Lah putiah mato mananti
Salah yo salah dulu indak den tagah
Uda bajalan karantau urang
Tangiang juo janji uda ka pai
pulang manjapuik denai ko

Reff : 
Mambana denai mambana da sayang
Japuiklah denai gungguanglah tabang
Jan lah urang nan uda sanangkan di rantau subarang

Mambana denai mambana oi uda
Jan lupo janji nan kito karang
Susah sanang denai indak ka uda lupokan
Salah yo salah dulu indak den tagah uda bajalan karantau urang
Kiniko uda lupo jo diri denai nan manantikan siang jo malam