By Redaksi
Lirik Lagu Minang Baralek Gadang oleh Baralek Gadang
Bukannyo tabek sumbarang tabek (ondeh tuan oi)
Tabek banamo si tabek gadang (ondeh kanduang oi)
Bukannyo alek sumbarang alek
Alek banamo alek gadang
Tagak lah alam jo marawa (ondeh tuan oi)
Tando pusako didirikan (ondeh kanduang oi)
Aguang tagantuang alah digua
Pupuik sarunai maramikan
Nan patah datang alah batungkek (ondeh tuan oi)
Nan buto datang alah bairik (ondeh kanduang oi)
Di bukik urang alah manurun
Di lurah urang alah mandaki
Ramilah alek sabana rami (ondeh tuan oi)
Urang basilek bagalombang (ondeh kanduang oi)
Siriah nan galak pinang manari
Sanang mananti alek datang
(Ciptaan Nazif Basir, Baralek Gadang 1988, Dipopulerkan oleh Elly Kasim dan Yus Dt. Parpatiah dkk)
