Lirik Lagu Rindu Poma by Ekas Birboy

Nibak angen poet loen kirem peusan
Cicem peo manyang loen kirem haba
Uloen di ranto golom meuriwang
Bak poma sayang yang uloen cinta

Hana loen lake rumoh meutingkat
Han loen harap hareuta benda
Yang uloen lake doa seulamat
Hudep lam ranto beu meubahgia

Bek neuweuh hate poma loen sayang
Ken han loen riwang keunan meugisa
Uloen di ranto hudep meulang lang
Kadang sit kadang loen roe ie mata

Kadang sit singeh uloen nyo mate
Han meurumpok le uloen ngen poma
Meunyo na umu Tuhan bri panyang
Bak poma sayang akan loen gisa

Oeh uro raya takeubi meu aloen
Ie mata jitren basah mieng dua
Seudeh loen rasa seungkak lam jantong
Sabe uloen nyo teuingat poma

Hajat loen neuk wo jak saweu gampong
Sayang naseb loen sibatang kara
Hajat loen neuk wo jak saweu gampong
Sayang naseb loen lam menderita