Buku Ende No. 481 Godang Dope

1
Godang dope siguruhononmi, asa tu dos ho dohot Tuhanmi
Sai tong na hurang hatigoranmi. So tuk do pe haporseaonmi.
Dirim sambing, dihaholongi ho. Donganmu laos dihalupahon ho.

2
Tuhanta Jesus tiruanmu do. Na holong roha di au nang di ho;
Ai diseahon do diriNa i, Singkatta lao tu hamatean i,
Ndang na dialang holong roha i, ai naeng di hita hangoluan i.

3
Tatiru holong ni rohaNa i, pinatuduhon ni Tuhanta i,
Tahaholongi ma donganta i, ai ruas ni Tuhanta do nang i!
Mardame ma, marsijalangan ma; Tatuju ma solhot tu Debata!