*
Lam tu majuna ma,hitaon sude
Pomparan ni Debataraja i
Marsada roha ma,
si sada tahi ma, hita sude 
di akka siulaon 
Unang adong tahe,
marsidalian i
Marsiurupan hita sasude..
**
Ai holan sada do anak ni oppui
Opputta i Debataraja i
Sunggu marpasang do
goarna i tahe
Opputta na mauli bulung i
Di gomgom do sude,
nang pinomparna i
Marserak di luat portibion

Reff...
Tolu ma anak na i, 
anak ni sunggu marpasang i
Babiat naingol ma siakkangan i
Sampetua sipaitonga i...
Marbulang ma siappudan i
Malo manubut roha i
Sai horas ma, hita on sude
Simamora Debataraja i

Music : *

*
Sada do i tahe boru ni oppu i
Opputta i Sunggu Marpasang i
Sileang muda i, sibontar mudar i
Boru hasian ni opputta i
Lam tu sadana ma, 
lam tu gabe na ma, 
Sisada urdot hita sasude

**
Di huta Tipang do, nauju i tahe
Opputta i mamukka huta i
Taingot ma tahe, mandulo huta i
Huta pinungka ni  opputta i
Unang lupahon i,Bona pasogit i
Hutanta i,da na martua i

Reff..
Tolu ma anak na i, 
anak ni sunggu marpasang i
Babiat naingol ma siakkangan i
Sampetua sipaitonga i...
Marbulang ma siappudan i
Malo manubut roha i
Sai horas ma, hita on sude
Simamora Debataraja i...2X

Coda: 
Sai horas ma, sai gabe ma
Simamora Debataraja i
Nang songoni dohot boru nai