FIDA PURNAMA TARIGAN - Membas-Embas
Album: Membas-Embas (Single)
Cipt. Djaga Depari

Kuidah kenca kena ngodak membas-embas turang
Lanai kel siat pusuhku natap senembas
Natap-natap daging kena nggo mbelin timbas turang
La kuukuri ari turang aku la atan
Nandangi kena mama nangin ateku ngenna
Entah salah kin nge ndia adi kusungkun
Kena ngateku mama nangin adina sahun

Enda nde dabuh kel nina buah kedondong turang
Nde dabuhina kel nina tualah pirang
Nde kutahanken kel jine lanai ngerondong turang
Perban biarna ari turang si kita sirang
Perban biarna ari turang si kita sirang

Ula min nembeh turang adi kusungkun
Adina nembeh madin la sahun
Madin la sahun
Madin la sahun

Kuidah kenca kena ngodak membas-embas

Nde kunangkihi kel bage deleng simole turang
Tangkas teridah kel bage si kuta male
Kune kenca kel pagi arih la sahun turang
Sahun nge pagi aku turang tangis teriluh
Nangkeli kena mama nangin mata la tunduh

Ula min nembeh turang adi kusungkun
Adina nembeh madin la sahun
Madin la sahun

Ula min nembeh turang adi kusungkun
Adina nembeh madin la sahun
Madin la sahun (Madin la sahun)
Madin la sahun (Madin la sahun)
Madin la sahun (Madin la sahun)
Madin la sahun (Madin la sahun)