Buku Ende No. 559 Debata Na Songkal Jala Na Badia

1
Debata na songkal Sitolu sada,
Di sogot ni ari hupuji GoarMi,
Debata na songkal Siparasi roha
Sitolu sada, Na badia i.
Amen.

2
Debata na songkal, surusuruanMu
Saluhut marsomba pasahat tumpalMi
Angka na badia ro tu adopanMu
Mamuji-muji salelengna i.
Amen.

3
Debata na songkal, na so tarida,
mata na mardosa, ndang tau marnida Ho
Ho na sun badia, na so hatudosan,
sun hinagogo, sun sangap do Ho.
Amen.

4
Debata na songkal, Sitolu sada,
Nasa na tinompa, ingkon mamuji Ho
Debata na songkal, siparholong roha
Sitolu sada, na badia Ho.
Amen.